Barangay Love Stories - Eko Part 1

video

Ako po ay produkto ng broken family. Tatlo kaming magkakapatid at ako ang panganay. Noong maghiwalay ang mga magulang ko, isinama ni Mama ang dalawang nakababatang kapatid ko at ako’y naiwan kay Papa. Nakatira kami noon sa poder ni Lola Coring at si Lola ang nag-alaga sa akin. Hindi ko masisisi si Mama kung bakit niya iniwan si Papa dahil sa papa ay isang taong nabubuhay sa bisyo. Lahat na halos ng bisyo meron siya. Lahat ng klase ng sugal, alam niya. Naging malupit sa akin ang aking ama, mabuti na lamang at nariyan si Lola na siyang laging nagtatanggol sa akin kaya lang noong mamatay si Lola, noon ko na tuluyang dinanas ang maraming kalbaryo sa buhay sa kamay ng aking sariling ama at mga uncles at auntie ko na kapatid ni Papa............................

Barangay Love Stories - Eko Part 2

video

Hiyang-hiya ako sa mga tao noong mga sumunod na araw. Iba ang tingin nila sa akin at ‘yung iba ay sumisigaw talaga sa mukha na magnanakaw ako. Tapos si Papa, konting mali ko lang susuntok kaagad. Nagtiis pa ako kapuso kasi parang mali talaga kung bigla akong mawawala. May mga tao din namang hindi naniniwalang kaya kong magnakaw, sa kanila ko sinasabi ang totoo na mga pinsan ni Gary ang nagnakaw at sila ang nagbigay sa amin ni Gary ng pambayad. Sabi ko kahit libutin nila ang lahat ng rice mill sa buong bayan kung nakapagbenta kami ng palay.

Pero sa totoo lang, kaya kong tiisin ang pangit na tingin ng mga tao sa akin. Hindi ako masyadong apektado dahil alam ko ang totoo. Ang hindi ko lang kayang tiisin noon ay si Aira. Ang pambe-break niya sa akin at ‘yung idea na hindi na kami. Masakit ‘yun sa akin dahil mahal na mahal ko siya.

Barangay Love Stories - Eko Part 3

video

May isang umaga ng biyernes, day-off ko ‘yun at magkasama kami ni Lola Ela sa pamamalengke ng ulam sa Don Domingo nang may tumawag sa pangalan ko. Paglingon ko, isang magandang babae ang ko; si Nely ang pinsan ni Aira. Kay ganda ng ngiti ni Nely noon at siyempre, si Aira kaagad ang tinanong ko; “Tulog pa kaninang umalis ako eh…” malungkot niyang sabi sabay tanong kung sino ang kasama ko; “Bago kong Lola, si Lola Ela. Lola, si Nely…” Agad namang nagsalita si Lola; “Maganda ka Nely. Maganda ang kulay mo, morena at halatang mabait ka. Bagay kayo nitong apo ko…” Tumawa muna si Nely bago sumagot; “Yung pinsan ko pa ang….gusto ni Eko, hindi po ako…” ganito ang sagot ni Nely, pero sa pandinig ko ay parang may kurot yun sa damdamin ko, sabay titig sa mukha ni Nely at ang tanong din na; bakit nga ba hindi si Nely ang niligawan ko? Maganda rin naman siya at mabait pa at higit sa lahat, bagay kami dahil pareho lang kaming mahirap..............................

Barangay Love Stories - Eko Part 4

video

Sa text at facebook ang naging means of communication namin ni Nely. Sinagot niya ako sa text. Sobra akong naligayahan noon at kung puwede lang sana ay puntahan ko siya noon ding araw na ‘yun pero hindi naman puwede dahil hindi ko puwedeng iwanan si Lola Ela. Matagal bago ako nagkaroon ng pagkakataong makababa ng Baguio. Dalawang taon. Noon lang dumating sina Ate Chato saka ako nakalaya. Bakasyon noon at katatapos ko lang ng 2nd year. Gusto kong surpresahin si Nely kaya’t hindi ko sinabi sa uuwi ako. Alam ko naman nasa baryo siya dahil walang pasok at hndi naman daw sila magsa-summer ni Aira. Deretso ako sa barangay namin at may mga pasalubong ako kay Papa kahit hindi ko sigurado kung nagbago na siya o kung may halaga na ako sa kaniya. Wala si Papa noong dumating ako sa bahay pero noong dumating siya, akala ko lasing kasi bigla niya akong niyakap pero hindi naman siya amoy alak. Natuwa ako noon dahil parang nagbago na. siya rin ang nagsabi sa akin na nadaanan niya si Aira sa sapa, sa ilalim ng punong mangga at mag-isa lang siya doon..............................

Barangay Love Stories - Jana Part 1

video

Gaano ba kahalaga ang joke o biro sa buhay natin? May importansya nga ba ito? Sabi kasi nila hindi maganda ang masyadong seryoso. Madali daw kapitan ng sakit sa puso at ang pagtawa ay maganda dahil ito ang pinakamainam na gamot. Kaya araw-araw at oras-oras sa ating mga programa dito sa Barangay Love Stories at mga programa dito sa radio ay may mga jokes din tayo kahit papaano. Dahil gusto naming sumaya kayo kahit papaano at gumanda ang tibok ng inyong mga puso. Kaya lang ang seryosong buhay ng ating kabarangay na si Jana na siyang may-ari ng kwentong inyong mapapakinggan ay napasukan ng hindi magandang biro. Kung ano ito ay alamin sa pamamagitan ng pagtutok ng walang biro sa kwento ng buhay at pag-ibig ni Jana……………………………

Barangay Love Stories - Jana Part 2

video

October 28, 2010 tuloy na tuloy na ang kasal ni Margie sa wakas ay tuloy na. Abay ka pa rin ha sabi niya sa kanyang text at ang petsa ay November 7-8, 2010. Agad kong napansin na birthday ko ang kasal ni Margie ngunit hindi na ko nag-react pa. Alangan namang kasing iatras niya ang date ng kasal niya dahil sa birthday ko. Isa pa ay matagal nang inaasam ni Margie na matuloy ang kasalan na iyon na apat na taon ng naantala.

Barangay Love Stories - Jana Part 3

video

Ubos lakas ang ginawa kong pagtakbo pero ilang sandali lang ay may humablot sa akin. Napasigaw ako pero nang malaman kong si Ero ang humatak sa akin ay tumalima ako. Jana paanas niyang sabi. Ero.... Hanggang sa naramdaman kong hinila niya ako pababa. Gumapang lang tayo papunta doon bulong niya. Sumunod ako sa kanya hanggang maramdaman kong nasa ilalim kami ng isang maliit na puno ng kahoy........................

Barangay Love Stories - Jana Part 4

video

Noong matapos ang kasal sa maliit na kapilya ng barangay nila Arnold ay nagsipagbalikan ang lahat sa bahay nila Arnold para sa tanghalian. Nagtry si Margie na pag-usapin kami ni Joan pero tumanggi ako. Inasahan kong gagawa ng eksena si Joan dahil hindi pa siya nilalapitan ni Ero. Sa akin na lagi nakadikit si Ero pero walang ginawa si Joan. Mayamaya pa ay nakita kong umalis si Joan..............................................

Barangay Love Stories - Gideon Part 1

video

Kaya mo bang isigaw sa buong bayan ang pagmamahal mo sa isang tao? Kung kaya mo bibilib sa iyo ang taong mahal mo. Si Gideon o GB sa buong barangay niya ay gustong patunayan ang pagmamahal niya sa babaeng mahal niya. Sabi mo siguro maliit lang barangay lang. Eh kung sabihin ko sa inyo na overall na pinakikinggan tuwing Sunday at araw-araw ang barangay love stories. Ito ang kanyang gagamitin upang mapatunayan niyang mahal niya ang taong iyon. Maliliitan ka pa ba? Edi hindi lang buong Metro Manila kundi buong Pilipinas. Oo mga kabarangay ginawa iyon ni GB kaya ito na ang kanyang kwento na ipinadala sa pamamagitang ng kanyang email address..........................................

Barangay Love Stories - Gideon Part 2

video


Hindi nabura sa isipan ko ang napanood ko sa DVD ni Kuya Elmo. Ginising ko lang si Daryl noong tapos na ang palabas at ang daming ginawa ng mga tauhan. Sa kabilang kalsada kami dumaan ni Daryl noong pauwi na kami. May pinasok pa kaming bakuran ng mga apartment. Magkaharap na mga apartment iyon sa gitna ng paradahan ng mga sasakyan at mga laruan ng mga bata. Pinuntahan naming si Ero Boy na kaibigan din ni Daryl pero ayaw palabasin si Ero Boy ng nanay niya………………………….

Barangay Love Stories - Gideon Part 3

video

Kinabukasan matapos akong itext ng ganon ni Gail ay birthday ni Ate Gretel. Umaga pa lang ay marami na silang nilulutong pagkain. Inimbita ko si Benneth at ilang mga close friends ko sa school pera ayaw nilang pumunta. Kung birthday ko raw sana ay pupunta raw sila kaso Ate ko naman daw kaya hindi sila pupunta. Mabuti na lang ay nandito sa bahay si Daryl noon . Tumulong kasi siya sa handaan. Third year high school na si Daryl noon pero magkasingtangkad na kami…………………..

Barangay Love Stories - Gideon Part 4

video


Para akong wala sa sarili buong araw na iyon. Paulit-ulit kong binabasa ang text ni Benneth pero hindi ko pa rin nirereplyan. Hindi ko alam kung ano ang sasabihin ko. Pagkagaling ko sa school noong hapon ay dumeretso ako kay Daryl pero wala siya. Si Nanay Daisy lamang ang nandoon. Nakita kong may alak sa lababo nila. Nay inumin ko na ito ah sabi ko. Bigla siyang nag-alala......................................................................

Barangay Love Stories - Four Part 1

video

Ang ating kwento ngayong araw na ito na inyong matutunghayan ay ang pagmamahal sa puso ng isang ina at ng isang anak na nawalan ng pag-asang muling mabigyan ng saysay. Kwento ng bagets na si Iverton or Four dito sa barangay love stories.

Dear Papa Dudut, tawagin ninyo na lamang po ako sa pangalang Four. Lalaki po ako at palayaw ko ito na kinuha rin sa real name ko. Ipinanganak ako sa isang bayan sa probinsya ng Ilocos Norte. May isang araw noong 16 years old ako, inutusan ako ni Mommy Des na hanapin ang isang titulo ng lupa sa kuwarto nila. Itinext lamang nila ang utos na iyon dahil nasa opisina sila.....................................

Barangay Love Stories - Four Part 2

video

Noong matapos ang school year na iyon ay hindi man ako topnotcher sa klase ay mataas din ang grades ko. Bumilib sa akin si Mommy Des. Noon din ay biglang nasabi sa akin nina Mommy Des at Tito King kung gusto ko raw ay ampunin nila ako legally kung gusto ko. Gusto ko po ah mabilis kong sagot. Eh gawin nating legal ang lahat sagot ni Tito King. Ang mangyayari kasi Four ay papalitan ang apelyido mo. Ang magiging apelyido mo ay ang apelyido namin sabi niya pero ang sagot ko ay okay lang……….........................

Barangay Love Stories - Four Part 3

video

Alas-dose pa lang ng tanghali ng makarating kami sa barrio nila Papa. Masaya ako noon dahil nakatayo si Papa sa harap ng bahay. May tungkod nga lang siya pero at least ay nakakalakad na siya. Hindi kagaya noon na nakahiga lamang siya at lahat ng kailangan niya ay kailangang iaabot sa kanya. Sabi rin ng doctor noon ay kung tuloy-tuloy lang ang pag-inom ng gamot ni Papa ay gagaling ang sakit niya sa baga. Tuberculosis kasi ang sakit niya na nakakahawa daw iyon pero noon ay talagang masigla na si Papa at medyo tumataba na rin. Masay rin nagkwento si Lola sa mga improvement ni Papa…………………………

Barangay Love Stories - Four Part 4

video

Sa salas ay kinausap kami ni Mama. Marami siyang tanong at halos hindi matapos ang tanong habang siya ay lumuluha pa rin. Dito na kayo titira, dito na kayo mag-aaral. Nasa America ang kaibigan kong may-ari ng bahay na ito. Ginawa naming boarding house ang bahay na ito at ako ang namamahala. May suweldo rin ako dito at magtatayo ako ng tindahan sa labas. Kakayanin ko kayong pag-aralin. Naiiyak na sabi niya. Hindi ko alam kung paano ko sasabihin sa kanya o sisimulang sabihin sa kanya ang sadya ko………………….

Barangay Love Stories - Ellen Part 1

video

Ang pakikinig ng kwento ay parang pakikinig sa teacher sa kanyang lesson. Ang pagkakaiba lang. Pagkatapos maglecture ng teacher ay pwede kang magtanong kapag mayroon kang hindi naunawaan. Dito sa Barangay Love Stories kapag nagtanong ka kay Papa Dudut kapag mayroon kang hindi naunwaan ay hindi niya mapapangakong masasagot ka niya. Kaya mga Kabarangay para maunawaan moay makinig kang mabuti
dahil ang kwentong tampok ngayon ay nangangailangan ng concentration mo sa pakikinig. Komplikado ang takbo ng kwento at may kalakip pang history particularly noong World War 2 kung saan tinangkang sakupin ng Japan ang ating kalupaan.

Kwento ng buhay at pag-ibig ng isang apo ng isang War Veteran. Kwento ni Ellen dito sa Barangay Love Stories……………………

Barangay Love Stories - Ellen Part 2

video

Naging maligaya ang mga sumunod na araw sa relasyon namin ni Martin. Sinusundo at hinahatid niya ako sa eskwela at madalas pa ay sabay na kaming kumakain. Noon ay alama na ng buong kasera na may relasyon kami ni Martin. Kami naman kasing dalawa ang pinakamatanda sa kasera dahil ang mga kasama namin ay puro estudyante.

Kaya lang sa bawat relasyon ay talaga sigurong nagkakaroon ng mga problema at pagsubok. Nasampal at nasigawan ko si Martin noong tangkain niya akong kunin. Noon din ay sinabi kong magbreak na kami...................


Part 3 and Part 4 di ko pa maupload bagal kasi ng net. Wait nyo lang.

Barangay Love Stories - Ellen Part 3

video

Naging palaisipan sa akin ang mga salita ni Mama noong nasa bus na ako papuntang Maynila. Doon ako dumeretso dahil sa paanyaya ng kaibigan kong sumubok mag-apply sa High School na pinagtuturuan niya. Lalong hindi maalis ang mga huling salita ni Mama sa akin Masamang ina ang Lola mo Ellen at sabi ko noon sa sarili ko hindi ako gagaya sa kanya pero now, I admit na mana-mana lang iyan. You’ll begin asking yourself sooner kung kaya ko bang maging mabuting ina kung ang Ina at Lola ko ay hindi naman………………..

Barangay Love Stories - Ellen Part 4

video

Kapistahan noong araw na iyon at marami nang bisita ang dumarating sa bahay nina Angelo noong ipatawag ako ni Lolo Sebio sa kuwarto nilang mag-asawa. Pagpasok ko noon sa kuwarto ay inabot niya sa akin ang isang notebook na balot ng tela. Masyadong iningatan ni Lucinda ang bagay na yan at wala ni isa sa amin ang nangahas na basahin o buksan ang laman niyan sabi niya.

Paano po napunta ito sa inyo tanong ko. Nabitawan iyan ni Lucinda noong araw na makita niyang pinagbabaril ng mga Hapon sina Conrad at Felipe...........................

Barangay Love Stories - AP Part 1

video


Sabi nila everything happens for a reason pero paano mo haharapin ang buhay kung ang lahat ng taong mahalaga sa iyo ay iniiwan ka. Hindi ka man lang ba maghahanap ng dahilan. Ang pinakamahaba at isa sa pinakamagandang kwento ay ang kwento ni AP.

Taong 2003 noong maganap ang isang pangyayari na itinuring kong bangungot at sumpa sa buhay ko. Namatay si Mommy sa kagagawan ng aking ama. Dadalawa lamang kami ni Mommy sa mundo mula pa noong maliit ako. Sa Maynila niya ako sinilang pero dito ako lumaki at nasa akin ang pagtataka kung bakit si Papa ay madalang kaming uwian. Kung bakit wala akong Lolo at Lola. Bakit wala akong mga pinsan? Mga Tito at Tita......................

                                                                                                     From: Campus Love Stories

Barangay Love Stories - AP Part 2

video

Napakiusapan ko si Jelyn na matulog muna sa bahay noong gabi matapos mailibing si Mommy pero kahit kasama ko si Jelyn ay sobra pa rin ang pagbalot ng lungkot sa buong bahay namin. Napakatahamik na kasi. Wala na ang mga taong nakilamay. Wala na ang mga ilaw at hinahanap ko ang Mommy ko. Hindi nagsawa si Jelyn sa pagyakap sa akin sa tuwing iiyak ako. Nasa bahay din si Papa noon pero hindi ko siya tinitingnan at lalong hindi ko siya kinakausap........

Barangay Love Stories - AP Part 3

video


Pinalad naman akong makapasok sa entrance exam sa PUP (Polytechnic University of the Philippines) Quezon City pero nagsorry ako sa Mommy ko dahil hindi pagiging teacher ang kinuha kong kurso. Naisip ko kasi si Rodgin, ang dati kong boyfriend. Alam kong mamaliitin niya lamang ako kapag naging teacher ako. BSBA major in Human Resource Management ang inenroll ko. Noong araw na nag-enroll ako, buong araw iyon, lumabas din si Abiel at naghanap ng trabaho.

Nadatnan ko na siya sa kasera noong umuwi ako alas-singko ng hapon. Nasa kusina siya noon...........

Barangay Love Stories - AP Part 4

video


Hindi na muli ako nakatulog noong madaling araw na iyon kapuso. Unattended na ang cellphone ni Abiel. Dasal ako ng dasal. Pati kay Mommy ay nakikiusap na ko na makiusap siya sa Diyos na sagipin si Abiel. Ang hirap dahil wala akong mahingan ng tulong. Nahihiya akong manghingi ng tulong sa mga kaboardmates namin dahil siguradong tulog na tulog pa sila.

Si Marissa na kararating lang galing sa trabaho niyang call center ang unang kong napagsabihan tungkol sa nangyari kay Abiel.................................

Barangay Love Stories - Sandy Part 1

video

Magandang araw po mga kabarangay muli tayo po ay magsama-sama sa mga kwento ng pag-ibig, buhay at pag-asa. Kwento po ng ating kabarangay na nagpapatago sa pangalang Sandy ang inyo pong mapapakinggan. Narito po ang cute love story ni Sandy dito sa Barangay Love Stories.

 Dear Papa Dudut, magandang araw sa lahat at itago ninyo na lamang po ako sa pangalang Sandy. Nandito po kami sa Manila at excited po kaming mapakinggan and aking kwento. Sumulat po ako upang maranig ang story ko ng aking mga kaibigan at ng aking minamahal. Pareho kasi kaming adik sa programa mo…………..

Barangay Love Stories - Sandy Part 2

video
Ang unang kabiguan ko sa pag-ibig ay nagdulot sa akin ng malalim na interes sa pagbabasa ng mga articles sa internet at mga libro tungkol sa relasyon at tungkol sa kung papaano malalaman kung tama ang lalaking ito para sa iyo o hindi. Dahil rin ito sa napakaboring na buhay ko lalo na kapag nasa bahay ako.

I keep on reading articles sa internet even blogs na pinopost ng mga users on certain issues about love, courtship, relationship and the like. At napakarami kong natutunan. Lahat ng interesting tungkol sa pag-ibig………

Barangay Love Stories - Sandy Part 3

video

Mula sa pamilya ng mahilig sa lupain si Carl. Namuhay sa agrikultura ngunit aminado siya na kakaiba siya sa kanyang mga magulang at mga kapatid. Si Carl ay walang hilig sa pagsasaka at pag-aalaga ng mga hayop. Hindi niya gustong maputikan ang kanyang makinis na balat o umitim dahil sa sikat ng araw. Dahil sa gawing ito ni Carl ay tinikis siya ng kanyang mga magulang.............................

Barangay Love Stories - Sandy Part 4

video

Hindi lang ako ang maligaya ng hapong iyon sa pagbubuklod muli ni Carl at pamilya niya. Ang daming yumakap sa kanya. Sinimulan ng Papang niya tapos ang Uncle niya then ang Kuya niyang panganay. Tapos noon ay lumabas ng bahay ang Mamang niya pati ang mga kapatid niya at mga Tita niya. Ang sarap panoorin ng tagpong iyon habang lumuluha si Carl dahil napatunayan niyang mahal na mahal siya ng kanyang pamilya………

Barangay Love Stories - Chloe Part 1

video

Dear Kapuso, Mahilig ako sa kuwento kahit noong bata pa lang ako. Marami na akong napanood ng Love Story at Fairy Tales. Nangarap ako na sana, ang maging kuwento ng buhay ko ay kagaya ng mga napanood kong kuwento. Nakakakilig, nakaka-in love at lahat happy ending. Gusto ko ng happy ending na nagtatapos sa paglubog ng araw,..yung natatanaw ko ang araw sa paglubog nito. I love sunset. Gusto ko ring magkaroon ng bahay, sarili kong bahay na itatayo ko sa isang mataas na lugar at pagtanaw mo pa lang sa bintana o sa terrace ay makikita mo na ang dagat. Ito ang matagal ko nang pangarap,..at sa itsura kong ito, hindi ko sukat akalain na matutupad ang mga pangarap ko.

Sa mga pelikulang love story or fairy talaes, magaganda ang mga bida. Nakakalungkot dahil hindi ako kagaya ng mga bidang babae na maamo ang mukha, maganda at sexy ang pangangatawan. Hindi ako ganon dahil hindi ako maganda and definitely, my life in not like the movies. Ako po si Chloie, at narito ang totoong kuwento ng buhay ko.......................

Barangay Love Stories - Chloe Part 2

video

Nagkita pa ulit kami ni Jerick sa parlor ni Mamu pero hindi na niya ako pinansin. Lumabas sila ni Mamu noon at talagang nasaktan ako kasi hindi man lang niya ako binati. Sa buwisit ko, umuwi ako ng bahay kasi alam kong kaya sila umalis sa parlor ay dahil uuwi sila ng bahay para doon nila gawin ang hind nila magawa sa parlor. Pero pagdating ko ng bahay, walang sina Mamu. Si Manang Duday lang ang nadatnan ko at sinabi niyang hindi naman dumating si Mamu. Lalabas sana ulit ako noon nang makita ko sa gate si Gino. Gaya ng dati, luma ang damit at shorts niya at hindi siya mabango........................................

Barangay Love Stories - Chloe Part 3

video

Kaya lang, isang araw ay nahuli ko si Gino. 4th year High School na kaming pareho noon at si Gino ay isa nang napakaguwapong lalaki. Mas matangkad na sa akin at maganda na ang pangangatawan, idagdag mo pa ‘yung ganda ng porma niya dahil hindi rin naman siya pinagdadamutan sa pambili ng kaniyang mga gamit. Ano na nga ang nagtitipid para sa sarili ko noon para lang sa kaniya. Natutuwa kasi ako kapag lalong siyang guma-guwapo kapag bagay sa kaniya ang kaniyang porma, samantalang ako,..kahit ano naman ang isuot ko, ganon pa rin ang itsura ko..............

Barangay Love Stories - Chloe Part 4

video

Dumaan pa ang ilang taon kapuso sa aming pagsasama ni Gino. Ako na ang pinakatangang babae sa araw-araw,..dahil siya’y nakaka-ilang girfriends na samantalang ako, siya lang ang lalaki sa buhay ko pero ginawa kong manhid ang sarili ko sa lahat ng sakit na ipadadama niya sa akin...................

Barangay Love Stories - Aries Part 1

video

Aling pangarap ang gusto mong matupad? Ang pangarap mong uri ng buhay o ang pangarap mong makakasama sa buhay? Ang kwentong ito ay mula sa kabarangay nating nagpapatago sa pangalang Aries.

Dear Papa Dudut, itago ninyo na lang po ako sa pangalang Aries, babae po ako at nag-iisang anak at matatanda ang mga magulang ko. Sabi nila “miracle baby” daw ako. Forty-five years old na si Mama noong ipinanganak niya ako at si Papa naman ay 47 years old. Mga debotong Katoliko ang mga magulang ko lalo na si Mama. Sila daw ni Papa noon ay nagdasal sa maraming simbahan upang sila ay mabiyayaan ng anak...........

Barangay Love Stories - Aries Part 2

video

Ang karugtong ng mga kwento ng buhay sa barangay love stories. Kumuha ng kursong Criminology si Yogi. Ako naman ay hindi pinayagang mag-enroll sa malayo. Ayaw ng parents ko. Sa text kami palagi nag-uusap ni Yogi. Masipag siyang magtext ng kung anu-ano lang at kapag Sabado at Linggo ay lagi siyang napapadaan sa bahay. May dinadrive siyang lumang pick-up noon. Ginagamit na service iyon para sa kanilang poultry at babuyan. Hindi na kasi bumalik ang Papa niya sa abroad at nagtayo na lamang sila ng poultry at sa bukid iyon.

Minsan ay niyaya pa ako ni Yogi doon. Magluluto daw siya ng espesyal na sinampalukang manok at kailangan ko raw matikman........

Barangay Love Stories - Aries Part 4

video

Barangay Love Stories - Kate Part 1

video

Story of Love, Life and Hope – Barangay Love Stories

Bakit may mga kapatid na nag-aaway? Bakit sa dinami-dami ng mga taong pwede mong kasuklaman ay ang kapatid mo, kadugo mo. Narito po ang kwento ng kabarangay nating si Kate. Dear Papa Dudut, itago mo na lang ako sa pangalang Catherine. Masaya po ang panahon ng aking kabataan. Kahit na wala akong kinagisnang ama, mapagmahal naman ang aming ina at mabait ang aking Kuya Marlon. Si Mama ay sinubok din ng tadhana. Ayon sa kwento ni Mama una niyang asawa ang tatay ni Kuya Marlon pero nagkahiwalay sila noong dalawang taon pa lamang si Kuya Marlon.....................

Barangay Love Stories - Kate Part 2

video

Ang karugtong ng mga kwento ng buhay sa barangay love stories.

Ang pag-alis na iyon ni Kuya Marlon ay nagdulot sa amin ng napakatinding sakuna. Kinabukasan ay dumating ang mga magulang ni Adelaida. Noon ko lamang nagawang ipagtapat kila Mama at Tito Nonoy na umalis si Kuya. Nagalit si Tito Nonoy noon pero mas magalit ang Tatay ni Adelaida. Nag-ingay ito at nagbanta na kapag hindi inilabas ni Tito Nonoy si Kuya ay magaganap ang isang malaking gulo.

Naikuwento ko kay Manuel ang tungkol sa banta ng pamilya ni Adelaida. Nag-alala si Manuel para sa kaligtasan namin at nangako siya na tutulong sa amin. Madalas ay dinadalaw ako ni Manuel kasama ng mga pinsan niya..........................

Barangay Love Stories - Kate Part 3

video


Handa na kong maghanap ng abogado para kay Kuya noong pagdating ko pa lang galing ng Korea pero nagkasakit si Mama. At noong ipacheck-up ko, ay lumitaw na napakarami na pala niyang sakit sa katawan. Noon ako labis na nag-alala at ipinagpasalamat ko na laging nagtetext si Marco at siyang nagbibigay sa akin ng payo kung ano ang mabuti kong gawin. Sinabi niyang tutukan ko ang pagpapagamot kay Mama. Iyon nga muna ang inasikaso ko pero habang ginagawa ko iyon ay may dumating na sulat para sa akin.

Sulat mula kay Ate Cordina. Iyong Ate ni Melba na campaign manager ng Mayor na kinakandidato namin………

Barangay Love Stories - Kate Part 4

video

Iniwan ko si Marco noong sandaling iyon dahil ayokong lumaki pa ang away namin. Lumabas ako ng bahay hindi para bumalik kina Kuya kundi para magpalamig lang sana kina Josie na kapitbahay at kaibigan ko. Kaso kauupo ko pa lang sa sofa nina Josie ay agad siyang nag-umpisa ng siste sa akin.

Kate talaga bang hindi man lang tutulong ang asawa mo kay Daria? Bakit anong problema ni Ate Daria tanong ko. Si Daria ang nakatatandang kapatid ng asawa ko. Hala nasa hospital si Daria. Grabe ang lagay niya. Kailangan niya ng operasyon sa lalong madaling panahon kasi wala siyang mahanap na pera.......

Barangay Love Stories - Nory Anne Part 1

video

Itago niyo na lang po ako sa pangalang Nori Anne. Nandito po ako sa Manila and for sure ay hindi ko mapapakinggan ang kuwento ko pero OK lang. Hindi naman ako sumulat para marinig ang story ko kundi dahil ito ay special request ng aking minamahal na nandiyan sa Cagayan. Tatlong araw pa lang ako dito nang muli kaming mag-away ni Mama at mas pinili kong lumabas at magpalamig kesa sa makipagtalo sa kaniya. May high blood kasi si Mama at ayaw ko namang mapahamak siya dahil lang sa galit ko sa kaniya. Hindi ko alam kung paano siya patawarin. Pinipilit kong unawain siya pero talagang mahirap dahil kung iisipin ko paano nag-ugat ang problema, talagang kasalanan niya at isa siyang napakasamang babae para sa akin.................

ShareThis

 
Themes by Bonard Alfin Site Meter Entertainment & Lifestyle - Top Blogs Philippines